Thank you so much to the Precision Foundation team for giving us a chance to arrange this beautiful event Akshar Triveni. We really appreciate the way you managed this entire event Precision Guppa and even the hospitality which was provided to us. The audience was really enthusiastic and so our team was encouraged to perform even better. We were very impressed by your consistency of starting the show exactly at 6.25 pm sharp for the last 10 years. We salute this tradition of yours.
We hope that we would arrange various events in future together. We will try our best to come with various innovative ideas to offer to your audience. Thank you once again.
प्रिसिजन परिवार !
सस्नेह नमस्कार !
आम्ही आज सकाळी मुंबईत सुखरूप परतलो. काही लिहायच्या आधी, ‘स्वयं’ला सोलापुरात सर्वात प्रथम व्यासपीठ देऊन आपण जो या संकल्पनेचा गौरव केलात, त्याबद्दल मी आमच्या टीमतर्फे आपल्याप्रती ऋण व्यक्त करतो. हा कार्यक्रम आपल्यासहित सोलापूरकरांनाही आवडला असेल अशी आशा करतो. कार्यक्रम अधिक चांगला होण्याच्या दृष्टीने आपल्या काही सूचना असतील तर त्यांचे निश्चित स्वागत आहे.
‘प्रिसिजन गप्पांचा’ संपूर्ण अनुभव आम्हा सर्वांना समृद्ध करणारा होता. सकाळी स्टेशनवर उतरल्यापासून ते रात्री परत स्टेशनवर जाईपर्यंत प्रत्येक अनुभव अविस्मरणीय होता. आपल्या कंपनीच्या नावाप्रमाणे अगदी लहान लहान गोष्टींच्या नियोजनातही अचूकता होती. पण विशेष म्हणजे, त्या अचूकतेत शुष्कपणा नव्हता. अगत्य होतं, आपुलकी होती, प्रेम होतं. आपण स्वतः आमच्यासोबत दुपारच्या जेवणास उपस्थित असणे, संध्याकाळी आपण सहकुटुंब आमच्या स्वागतास हजर असणे हे सर्व मनाला स्पर्शून गेलं. माधव देशपांडे व त्यांच्या संपूर्ण टीमच्या सुनियोजित कामाला दाद द्यावी तितकी कमीच आहे. कार्यक्रम बरोब्बर ६.२५ वाजता सुरु करणे, तांत्रिकदृष्ट्या सर्व बाबी चोख असणे, कार्यक्रम देखणा व प्रेक्षणीय असणे या सगळ्यामागे किती कल्पकता, नियोजन आणि किती जणांची मेहनत असेल, हे मी एक आयोजक म्हणून समजू शकतो.
‘स्वयं’च्या निमित्ताने झालेलं हे मैत्र पुढील काळात वृद्धिंगत होईल अशी आशा आहे. ‘स्वयं’चे काम आपण जाणताच. ‘अमृतयात्रा’च्या माध्यमातून आम्ही भारतातील प्रेरणादायी व्यक्ती आणि संस्था पर्यटनाच्या माध्यमातून समाजाशी जोडत आहोत. त्यामुळे स्वयं व अमृतयात्रा च्या कामामुळे समाजासाठी विविध क्षेत्रात उत्तम काम करणाऱ्या व्यक्ती व संस्था यांचे एक छान नेटवर्क तयार होत आहे. ‘प्रिसिजन फौन्डेशन’च्या उद्दिष्ट पुर्तींसाठी ‘स्वयं’ व ‘अमृतयात्रा’ तर्फे कुठल्याही प्रकारचे योगदान देण्यात आम्हाला नेहमीच धन्यता वाटेल. ‘प्रिसिजन फौन्डेशन’च्या भविष्यातील प्रकल्पांसाठी व येणाऱ्या दिवाळीनिमित्त आपल्याला व संपूर्ण टीमला अनेक शुभेच्छा. धन्यवाद !
प्रिसीजन गप्पा... एक मेकॅनिकल इंजिनिअर, क्रिकेट,गाणे,अभिनय,लेखन अशा गोष्टींमध्ये इंटरेस्ट! बालनाट्यापासून एकपात्री अभिनय करताना मधे येणारे चित्रपट, सिरियल, नाटकं अशा गोष्टी सहज करणारा,वयाच्या ७५ री मधेही नवीन शिकायचं आहे म्हणणारा आणि यश मिळवूनही ते डोक्यात न जाऊ देता पाय जमिनीवर असणारा कलाकार म्हणजे दिलीप प्रभावळकर! अतिशय प्रांजळपणे आपला अभिनय प्रवास उलगडून दाखवताना कधी खळखळून हसवलं,तर कधी हसता हसता डोळे ओलावून टाकले! शेवटचा कृष्णराव हेरंबकर तर सगळ्यांना हलवून गेला! सभागृहाच्या पायर्या उतरताना नकळतच बरोबर असलेल्या, ओळखीच्या किंवा अनोळखी लोकांना आज कित्येक जणांनी हात दिला! ही किमया साधली फक्त एका अद्वितीय अभिनयातून जाणवलेल्या कळकळीच्या बोलण्याने! शतशः प्रणाम!
प्रिसिजन परिवाराला प्रणाम..
दिपावलीच्या पूर्वसंध्या..
उजळीती ज्ञानज्योती..
प्रिसिजन गप्पांमधून तेवती
समाजप्रकाशु..
तुडुंब तुडुंब मने भरती
सुसंस्कारित फराळताटे
विचारधन अमोघ भेटे
जनामनासी...
प्रिसिजन गप्पा माध्यमातून आम्हाला प्रिसिजन परिवारात सहभागी होता आलं. याचा आनंद झाला. .. यतिन सरांची नजर बरंच काही सांगून जाते. त्यामुळे काम करताना दडपण न येता स्मूथपणे काम करता आलं. प्रिसिजन टीमचे सहकार्य आणि रंगभवनने दिलेली सवलतीमुळे आम्हाला मोकळंचाकळं वावरता आलं. त्यामुळं असा देखणा सोहळा निर्विघ्नपणे पार पडला. धन्यवाद....
प्रिसीजन गप्पा !....एक दिव्य सुरुवात !!! कार्यक्रमाचे काटेकोर नियोजन ; स्वच्छता , टापटीप, उच्च दर्जा ; हायटेक,नेत्रदीपक सुरुवात; अतिथींचे स्वागत करताना प्रिसीजनची विनम्रता ; आणि सर्वात महत्त्वाचे म्हणजे ६:२५... या सर्व गोष्टीनी मनाला एक नवचैतन्य मिळाले ! ६.२५ वाजता कार्यक्रमाला सुरुवात झाली आणि ६.४८ ला "तुझे गीत गाण्यासाठी..." या गीताने इतकी उंची गाठली की ...पुढील 3 तास आम्ही रसिक खाली उतरायला तयारच नव्हतो ! कारण बऱ्याच दिवसानंतर आपल्या भावविश्वात डुंबायची संधी मिळाली होती ! अर्थात आजच्या कार्यक्रमाच्या यशाचे श्रेय माधव सरांकड़े जाते.कारण कार्यक्रमाचा दर्जा,प्रकाश योजना व सर्वात महत्त्वाचे म्हणजे ध्वनी योजना सांभाळणे खूप महत्त्वाचे होते,आणि माधव सर अनुभवी व तज्ञ असल्यामुळे दर्जेदार अनुभूती मिळाली. आज आम्ही पावणे सहा वाजता गेलो होतो तरी मागील बाजूस थोड्या खुर्च्या रिकाम्या होत्या. सहा वाजता तर रंगभवन पॅक झाले ! उद्या तर रविवार आणि दिलीप सरांची भेट; साडे पाच वाजता जाऊन बसावे लागेल !
प्रिसीजन गप्पा मधील आजची पर्वणी अप्रतिम, कौतुक करावे तितके कमीच. या निमित्ताने मिती क्रिएशन चा विशेष कार्यक्रम सोलापूरकरांना अनुभवता आला,आनंद घेता आला. या गप्पांच्या निमित्ताने पुल, गदिमा, सुधीर फडके व यशवंत देव यांची आजवर न जाणलेली माहिती व इतकी अप्रतिम गाणी एकूण कान व मन तृप्त झाले. शहा परिवार व प्रिसीजन परिवाराचे आभार व्यक्त करावे तितके कमीच, नित्य नव्याने सोलापूरकरांना आपणाकडून खूप काही शिकण्यास मिळते हे आमचे व सोलापूरचे अहोभाग्यच !
प्रिसीजन गप्पा हा कार्यक्रम अतिशय सुंदर झाला.गेले तीन दिवस या कर्यक्रमाने अगदी भारावून गेलो.कार्यक्रमाचे अतिशय नियोजनबद्ध केलेली आखणी,अचूक वेळेचे नियोजन,आणि अतिशय विनम्रपणाने हसमुखपणे प्रिसीजन परिवाराने रसिक प्रेक्षकांचे केलेले स्वागत या सर्व गोष्टी मनाला स्पर्शून गेल्या.तीन दिवसातील प्रत्येक कार्यक्रम खास होता,आम्हा सोलापूरकरांसाठी हि एक मेजवानी होती.सामाजिक कृतज्ञता हा पुरस्कार पाहताना डोळ्यात पाणी तरारले,किती हि मूलखावेगळी माणसे शोधून काढली होती,यांचे प्रचंड काम पाहून असे वाटले की काही माणसे स्वतःचे जगणे हे दुसऱ्यांसाठी जगतात अगदी निरपेक्षपणाने,आणि अशा या हिऱ्यांचा शोध प्रिसीजन परिवाराला लागतो त्यांच्या माध्यमातून हि जगावेगळी माणसे समाजासमोर येतात. या लोकांचे काम पाहून अंगावर शहारे येतात. या कार्यक्रमामुळे एक नवीन ऊर्जा मिळाली. प्रिसीजन परिवाराचे खूप खूप आभार. या निमित्ताने खूप नवीन विचार मिळाले.
